Die Korrekte Manier :

Op hierdie fotos is daar geen obstruksies op die voor of agtergrond, die vingers is om die vinne, en koppe is effe na bo gelig; een elmboog op knie en oor onthoekmat

In die eerste foto sien ons die karp korrek vas gehou, maar die hengelaar het brille op wat aandag weg trek vanaf die karp. In die tweede foto is daar 'n mooi agtergrond maar die agterste vin is nie tussen die vingers nie en die kop is ook nie eefe gelig na bo nie.

Lieflikke spesie, maar emmer in foto en albei knië in lig wat balans vermoeilik

Almal van ons wat die spesie karphengel faset toepas het een of twee fotos waarmee ons nie gelukkig is nie, wat ons bitter graag sou wou oor neem, maar kan nie. So in die uitgawe gaan ons kyk wat kan jy as spesie karphengelaar doen om daai perfekte foto te neem.

Gemengde gevoelens oor die gebruik van karpsakke kom voor onder spesie karp hengelaars, maar korrek gebruik sal dit die karp geen skade aan doen nie.

Punte van belang met die gebruik van 'n karpsak :-

1. Moet nooit meer as een vis in die sak plaas nie.
2. Maak seker die sak is deeglik ge-anker, jy wil nie hê die karp moet weg swem met hom nie. Dit sal die karp se dood beteken.
3. Die sak moet nie geskeur wees nie. Die skeure kan veroorsaak dat die karp se vin bene vashaak en beskadig word.
4. Die sak moet in minstens 500mm water geplaas word en moet nooit plat op die bodem lê nie. Hoe dieper hoe beter.
5. Karpsakke moet nie gesien word as 'n hou net nie, dit is slegs om die karp vir 'n kort tydperk te hou.

Ons gebruik hoofsaaklik die karpsak as daar 'n karp gedurende die nag gevang word, en ons eerder die foto van die vis in die dag wil neem. Dit is veral van toepassing waar jy op jou persoonlike beste verbeter het. Karpsakke kom handig hier te pas in, en as jy die bo genoemde riglyne volg, doen dit die karp geen skade aan nie. Ek persoonlik gebruik ook die karpsak om soms net die adrenalien vlakke eers bietjie te verlaag nadat ??n mooi karp geland is. Karpsakke is beskikbaar by alle goeie hengel
winkels en kan ook deur die Anglershaven Online hengel winkel bestel word

Nou is ons reg om die perfekte foto te neem so kom ons kyk na die volgende :-

1. Maak seker jy het jou onthoek mat geplaas sodat jy 'n geskikte agtergrond het.
2. Vermy mensgemaakte items soos asblikke omheinings huise ens in die agtergrond.
3. Verwyder alle los staande items om jou soos die skepnet, die emmertjie wat gebruik was om die onthoekmat en die karp nat
   te maak.
4. Is die hengelaar "presentable", hare netjies/gekam hande en gesig skoon ens.
5. Vermy sonbrille, dit trek die aandag weg vanaf die karp

Noudat die korrekte toestande geskep is, met die karp se rugvin na jou, skuif jou hande in onder die vis. Die vin agter die kop wat na voor gaan wysmoet geplaas word tussen jou wys en middelvinger van die een hand en die agter vin met die ander hand. Met die karp steeds op die onthoek mat tilt hom nou sodat die kant van sy lyf in jou arms le met jou vingers in plek soos bo verduidelik. Ons gaan die karp in 'n posisie hou met sy kop effe hoër as sy stert. Op die manier verlig ons die druk op sy interne organe. Plaas een van jou elmboë op 'n knieg vir ondersteuning, met jou ander knieg plat op die grond.

Moet nie die karp weg van jou lyf af stoot om hom groter te laat voorkom as wat hy werklik is nie. Jy bluf niemand behalwe jou self nie. Nadat die fotos geneem is word die karp vrygelaat soos verduidelik in die vorige uitgawe in deel 2